مجازر مشفى صلخد

الله يعين ابن صلخد إذا مرض اليوم..... فأما أن يكون معه مال كثير فيذهب للعلاج في مشفى خاص. أو ننصحه بالموت فورا دون الرجوع إلى مشفى صلخد لأنه سيلاقي هناك نفس المصير فلما التعب... يا أخي موت بترتاح وبتريح.....

ومن المؤسف أن هذا المشفى الحديث الذي استمر بنائه وتجهيزه أكثر من عشر سنين. يعني ذاب قلبنا لشفنا عنا مشفى بصلخد... وللمعلومات فقط قناة السويس أيضا استمر شقها مدة عشر سنين ... عجيب أليس كذلك....

ولكن كل هذا ليس مهما فما حدث قد حدث... وللشهادة قد جهز المشفى بأحدث التجهيزات الطبية على مستوى الشرق الأوسط تقريبا وعلى مستوى القطر بكل تأكيد......

بس الذين ما جهزوا بالضمير هم أطبائنا الفطاحل التجار مصاصي الدماء والمتاجرين بأرواح الناس.....

واسمعوا بعض القصص التي حدثت وبدون ذكر أسماء بصراحة الآن علها تحدث معجزة ويتحسن الوضع:

القصة الأولى أن المدام / ميم / ذهبت إلى مشفى صلخد لتلد بعملية قيصرية وهذا النوع من العمليات يريح المرأة التي ستلد من ألام الولادة لأنه تحت التخدير... لكن ما حصل ونتيجة جرعة مخدر فاسد لم تخدر هذه المريضة أبدا بل ضلت تحس بكل مجريات وألام العملية ثانية بثانية وبعد ساعتين من المعاناة التي كادت أن تصل بها المريضة / ميم / إلى حد الموت من الألم ولدت صبيا وخرجت من غرفة العمليات بشق الأنفس وقد ما ارتاحت بالعملية صوتها من الألم وصل للقرى التي بجانب صلخد ... حقيقة عملية مريحة ...... بس بنقول الحمد الله ألي ما راحت المخلوقة......

القصة الثانية رجل من صلخد يدعى / م – ح / ذهب إلى المشفى في وضع محرج وقد تبين أن معه الزائدة الدودية ووضعها سيء ويجب استئصالها... لكن ما حدث هو أنه لم يجدوا طبيبا ليعمل العملية المستعجلة جدا..... والطبيب المناوب والذي هو طبيب جراح معروف في صلخد كان في رحلة ترفيهية في مطار الكفر والمدير لا نعلم أين هو...

وحالي......

الله لا يجربها لحدا......

لكن تشاء أقدار الله الرحيمة أن يتصادف وجود طبيب في المشفى كان يجهز نفسه لمغادرة المشفى لأنه يوم عطلته وما عندو دوام..... لكنه وتحت طائلة الواجب يبقى في المشفى لعدم وجود أطباء يدركون ما هو الواجب وحقيقة هو لم يعمل عملية للشخص الذي نتحدث عنه بل لأثنين غيره أيضا... تبا لمطار الكفر..... والمهم أن / م-ح / عندما دخل غرفة العمليات أعطوه جرعة بنج أو مخدر زائدة على عكس الحالة الأولى. وقد أجرى الطبيب له العملية لكن المشكلة بعد العملية حيث أن المريض تعرض لحالة تسمى بتشنج الرئة نتيجة أنها مخدرة وأصبحت رئتيه غير قادرة على الحركة وبالتالي تعرض الرجل للاختناق..... لكن مشيئة الله تتدخل أيضا ليتصادف بأحد الممرضين الذي أعطاه جرعة من //الأدرنالين// من علبة كانت موجودة فتصوروا لو أن هذه العلبة غير موجودة... أكيد ما كان صار شي أبدا أبدا.... بس كان الزلمي مات... بس......

القصة الثالثة المرأة // كاف // ذهبت إلى مشفى صلخد المجاني لكي تتعالج من مشكلة في فقراتها بالظهر تحتاج إلى جهاز تثبيت الفقرات.

فما كان من الطبيب إلا أن طلب منهم // 85000 // ليرة سورية طبعا حق الجهاز وبعد أن حاولت المرأة تدبير المبلغ ومن خلال مراجعتها له تكارم عليها ونزل المبلغ إلى // 65000 // وتشاء الصدف ومن خلال طبيب في السويداء أن تكتشف المرأة // كاف // أن جهاز تثبيت الفقرات الغالي الثمن موجود في مشفى صلخد وبالمجان.... لاحظوا بالمجان....

وحقيقة هناك // 26 // جهاز من هذا النوع في مشفى صلخد ومن خلال مراجعتها للطبيب قال لها أن هذه الأجهزة للحالات الأسعافية...

المهم أن المريضة اشتكت إلى مدير الصحة لكن الدكتور ظل تحت شعور العنجهية أنو يعني هو طبيب.... مصرا أنو الأجهزة للإسعاف....

لكن الغريب في الأمر تكشف أن والدة الدكتور قامت بعملية مماثلة في مشفى صلخد وقد حصلت على جهاز تثبيت الفقرات مجانا.... وعند مراجعة مدير الصحة بهذا لأنو مو معقول تكون الأجهزة لناس وناس.. وبعدين شو هالمشفى ألي رح يجيها 26 حالة أسعافية تحتاج إلى جهاز تثبيت الفقرات.... المهم هنا عاود مدير الصحة الاتصال مع الدكتور وأصر عليه أن يجري العملية... فقال الدكتور للمريضة بأن تعاود الكلام معه الأسبوع القادم.... وعندما كلمته... أجلها إلى الأسبوع الذي بعده.... وكذلك فعل في الأسبوع الذي بعده..... هنا بدا واضحا سوء النية لدى الطبيب مما دفع بزوج المريضة إلى عدم القبول بأن تجري العملية في مشفى صلخد وتحت يدي هذا الدكتور لأنو ما عاد يأمنلوا.....

فأخذها وذهب بها إلى مشفى خاص وأجرت العملية وبنجاح باهر وبمعاملة راقية ومريحة وعند طبيب آخر طبعا بعد أن دبرت المال بشق الأنفس.. بس ألي بدي قولو بتعرفوا قدي كلفت العملية بمشفى خاص مع حق الجهاز مع أجرة الطبيب والإقامة وغيره..... // 86000 // ست وثمانون ألف... تصوروا ... أن الطبيب في مشفى صلخد العام المجاني كان بدو قد المشفى الخاص .... مع الملاحظة أنو جهاز تثبيت الفقرات هو مش دافع في أي شي..... فتصوروا....

هنا علينا أن نقف ونسأل مالحل...... ومن المسؤول......

حقيقة إنا برأي أنه إذا كان هناك مسؤولية على المسؤولين 10 % فالمسؤولية على الناس 90% وذلك لسبب واحد أنه إلى متى ستقع هذه الحوادث مع الناس ويسكتون كأنهم أغنام تفترسها الذئاب لا حول ولا قوة لها........

فلو أن كل من يرى خطأ خاصة إن وقع معه وبحقه يدل عليه ويكبره تحت المجهر الاجتماعي والقانوني
لما تجرأ أحد على الاستهتار بأرواحنا وأولادنا ونسائنا وأطفالنا........

الله كبير على كل ظالم
يمهل ولا يهمل
يا لطيف العدو ما بيعمل هيك
تحياتي

يعنى لازم هذول الى عاملين حلهم دكاترة وهنى متل ما قلت مصاصين دماء
انهم يتحاسبو على افعالهم وما ينتركلهون الحبل ومتل ما بيقولو الرزق السابي بيعلم الناس السرق وبحاله الدكاترة عنا بعلمهم الاهمال وعدم المسوئليه ولاستهتار بى حيات الناس
وشكرا الك على الحقائق المروعه

بالحقيقه ايها الغالي اقرأ ولا اصدق

هذا هو حال المستشفى التي علق عليها امال كل الجبل 15 سنه

معقوله ماتت الضمائر الى هذا الحال والتعامل اصبح مادي بحت

وانتم اهل البلد شو ناطرين وليش ما تقدموا عريضه للدوله في دمشق وليس بالسويداء

مالازم يبقى الوضع على هذا الشكل سيكون هناك عائلات ليس لديهم الف ليره لدفع ثمن الدواء

فماذا سيكون مصير مرضاهم في هذه الحالة الصعبه

أهل البلد انتم ولازم تتخذوا موقف قبل كل شيئ وتقدموه للعاصمه

تحياتي وتقديري لغيرتكم وتوضيح الامر

و نعم و مع الأسف أن كل ما ذكرته سابقا يحدث في في أروقة المشفى
و يعلم عنه الجميع
و لكن الأخطر أن هناك قصص تحدث في خبايا غرف المشفى و أثناء عملياتها لا يدري بها أحد

مع الأسف أنه جهز المشفى باحدث أجهزة لا يوجد لها بديل في مشفى السويداء
و هناك الكثير من الحالات التي تحول من مشفى السويداء إلى صلخد و المفاجأة
أنه يتأتي الرد لا يوجد لدينا كادر يستطيع أو يعرف أن يستخدم هذة الأجهزة
هناك منها ما تلف في المستودعات

أذا لا أدري ماذا يحصل
هل ينقصنا كادر طبي خبير
أو ينقصنا ضمير
أو رحمة
أو بالفعل بات متجمعنا مادي ووصلنا إلى مقايضة في أرواحنا و أجسادنا

و على فكرة لا تزعلو و ما خفي كان أعظم
و الله يعطينا و يعطيكن طولت العمر

عند إفتتاح مشفى صلخد ..... كتب في الجريدة أن مشفى صلخد يعمل بكامل طاقته الإنتاجية ...... وهو لا يوجد فيه كادر طبي

ولا حتى مرضى ما في غير ......مدير المشفى

حرام عليك يا أخونا
كلامك كلو ما إلو جنس الصحة
لأنو من كم يوم أخذت إبني على الحواضن وكانت المعاملي على النحو التالي
ـ أخذو مني الولد وما خلوني لا إمسكو ولا شوفو ومن خوفن على إبني حتى هني ما عادو شافو ولا مسكو
ـ ومن خوفن على مرتي ما خلونا بالمشفى ( كحشونا ) قال حرام بتتعب
ـ على فكرة عمر الولد أربعة أيام
ـ وكانت المعاملي عشر نجوم
لدرجة انو خجلنا من الكادر الموجود بالمشفى وفلينا من كثر العناية على مشفى خاص منشان ما نضل شاغلينن بحالنا
( يا أخي والله تعبناهن )

يا جماعة لحظة انتو ملاحظين انو افرطو بالقسوي على المشفى

انا معكن بكل شي قلتو بس والله في ناس بالمشفى الله يعطيهن الالف عافي

بيشتغلو من قلب ورب

وهني اكبر نسبي من الي ما بخافو ربن

والله انو صارت معي مواقف بالمشفى في ناس بتحمل اسمى صفات الشرف والاماني

عدد الرسائل : 1 العمر : 38 تاريخ التسجيل : 08/08/2008

حرام عليكم
عنوان الموضوع كثير خطير " مجازر" يعني انظروا الى نصف الكأس الممتلئ
كم اراح مشفى صلخد الناس من عناء الذهاب الى السويداء
كم عملية نوعية اجريت في مشفى صلخد
كم وكم وكم ..
في جميع مشافي القطر تحدث أخطاء طبية ويتم التستر عنها وتحدث في المشافي الخاصة أكثر من العامة
لا تحولوا هذا المشفى نقمة بتناقل أخبار لا صحة لها معظم الأحيان وانما الحبة بتصير قبة
أنا شخصياً أجرى والدي عملية في مشقى خاص بدمشق ودفعنا حوالي المئة ألف ليرة وذلك في السنة الماضية وفي هذه السنة كذلك أجرى عملية أخرى لكنه رفض الذهاب الى الشام واجراها في مشفى صلخد
والله والله والله كانت النظافة والخدمة والعناية والهدوء أفضل بمئة مرة من المشفى الخاص
نعم اتفق معكم انه ينقصنا الكادر الطبي لأن الدكتور لا يرضى بعشرة آلاف ليرة راتب شهر كامل في المشفي بينما عملية واحدة تبلغ أكثر من هذا الرقم
أليس الدكتور مواطن بدو يعيش ولا مطلوب منه يناوب ليل نهار في المشفى منشان عشرة آلاف ليرة
كثير من أطباء صلخد الذين كانوا يعملون في المشفى سافروا الى دول لخليج بسبب هذه المدخول المتدني وقلة احترام الناس
ولا أنكر وجود بعض الأيدي الفاسدة الموجودة في كل مكان وفي كل مشفى
ساعدوا المشفى ساعدوا كادره ولنكن يدا واحدة كي يصبح هذا المشفى أفضل

لا أعتقد بأن أحد منا مسرور لهذا الوضع ولكن هذا الواقع
وما حدا بيسمع من ساكت
خلينا كلنا نحكي عن العيوب قبل المحاسن إلي ما حدا منا بينكرها
والناس إلي بتخاف الله موجودي بالمشفى العام والمشفى الخاص
و من محبتنا للبلد ولأهلنا إلي هني إنت واحد فيهن مين ما تكون كثير بحس بألم بس إسمع أو إقرأ أو شوف بعيني الإنسان الفاسدوما يطلع بإيدي حطلو حد
وما بدنا ننسا إنو مجموعة من عشرة أشخاص فيها واحد فاسد بتقدر تقول عن المجموعة كلها فاسدي
فالمحاولة جيدة حتى لو كانت فاشلة ( خلينا نعتبرها محاولة للإصلاح ) آآآآآآآآآآآخ

تحياتي للجميع

جميل هذا الموضوع لكشف البلاء الملازم للمواطن العربي بشكل عام والسوري بشكل خاص وابن محافظة السويداء الذي ليس لبلاءه مثيل ...

مستشفى صلخد حالفني الحظ بحضور افتتاحه ببلدي ..وقد قيل أنه مجهز بأحدث المعدات الطبية لدرجة أن البعض

صنفه برابع مستشفى على مستوى العالم من حيث تطور المعدات ...وبعد سنة وسنتين

قيل أنه الأسوء على الإطلاق لدرجة الترحم على المسلخ الوطني بالسويداء

واضف الى ذلك أن الأطباء من خارج صلخد يتهربون من العمل فيه لجهلهم بتشغيل معداته المتطورة وهم من الطراز الذي لايتطو...

ولهذا نقول :

أن حال المعدات التي لايوجد لها كادر فني يجيد تشغيلها و حال

المستشفيات ليس أفضل من حال أجهزة الكمبيوتر المرمية من سنين بالكراتين لعدم معرفة

الموظفين بفنون تشغيلها ...وهذا يذكرني بالمصانع الوطنية في السبعينات حيث

تعطلت الأجهزة بسبب تخلف الكوادر التي تديرها وكان مصيرها الدفن وهي حية

...والسوؤال من المسؤول ؟!

والى متى يرضى المواطن السوري بالتعامل معه خارج المواطنة

بما حل عليه من النعم دون حراك أ وصراخ

والى متى تسلب حقوقه من قبل بعض الشخصيات المنحرفة عن طريق العلم والقانون

..

همسة :

شكراً لمن أثار ويثير هكذا مواضيع لتندرج بملفات

النقد البناء لعل وعسى ينصلح حال سماسرة المستشفيات

من ذوي العيادات الخاصة والعامة .

أخوتي الأحباء المحترمين

لا يجوز أن نتكلم بدون أن نعرف الحقيقة عن مشفى صلخد

ولا يجوز التشهير بدون معرفة السبب

ولا ذنب مشفى لا يوجد بها أطباء من المحافظة

ومن هوا الطبيب البطل الذي يعيش في صلخد وأنتم تعرفون ذالك جيداً

ولو كنت الطبيب لامنعت أن تأتي الى المشفى

وكل أهل صلخد أذا يريد أن يشترى كيلو بندورة يذهب الى السويداء

وأنتم تعرفون الباقي

مجزرة مذبحة بس بالاخير راح نرجع نروح عليه ونتعالج فيه اذا شي
يوم مرضنا

شكرا اخ مطيع على طرحك للموضوع ولكن بحب احكي ضميري انو في عنا بمشفى صلخد كادر من الاطباء
لا باس به بل يمكن القول عنهم جيدون الى حد ما ولكن وصلنا لوقت المصلحة الشخصية اولا ثم الاخرون ثانيا
يعني شي طبيعي يكون اي طبيب مادي هيك حال الدنيا بالمقابل انا شخصيا صارت معي مشكلة بالمشفى كنت ضحيتها
ففي المرة القادمة ذهبت الى مشفى خاص صحيح كانت الماملة شخصية وكثير مليحة بس بصراحة لاتقل ابدا عن مشفى صلخد
فنحن لدينا ممرضات يتعبون كثيرا ونجاح المشفى يتوقف عليهم وبالنسبة للنظافة بتحدى يكون في مشفى انظف منه والخطا وين ما كان بصير من منا لا يخطا وبالنهاية الانسان المؤمن يقر بقدره لانو بنظري الاطباء مجربون وليسوا مطببون بالنهاية
الحمد الله إلي صار عنا مشفى وخفف الكثير علينا وهذا كل الحكي على المشفى قبل ما يصير بالمصاري كيف لكان
بعدين الله يعينا ويعين الجميع

مرحبا
ياجماعة انا صارت معي ازمة صحية بالامارات وزرت اكبر المراكز الطبية بالبلد مثل المجمع الطبي الروسي مركز عالية الطبي واكبر المشافي بالبلد وغيرون وما خليت نوع من الدوا الا ما اخذتو والي يقلي قرحة والي يقلي سرطان وما بعرف شو وصلت لمرحلة انو وقعت بمكان العمل و بصراحة قطعت الامل من كل شي بعد ما حطيت من المال الشي الي ممكن افتح فيه مشفى خاص لانه كل شي هون بالمصاري لو عمبموت الواحد لازم فلوس
قررت انزل على سوريا ورحت على دمشق وطلع معي المرارة والوضع متأزم كثير وممكن باي لحظة اروح فيها قررت الدكتورة تحويلي على مشفى العباسيين بدمشق باقصى سرعة انا وافقت بحيث تصير العملية بدون جراحة يعني تنظيرية حكتلي انو بتكلف 70000 ليرة ليوم واحد وبدون مرافقة وبدون تحاليل التحاليل على حسابي باي مختبر نزلت على صلخد جهزت حالي وراجع تاني يوم على دمشق نصحوني زور مشفى صلخد واعمل تحاليل فيه واسوي العملية فيه انا خفت وما بقدر اتاخر على شغلي وعملي بس قلت الي كاتبه ربنا راح يصير اعملت التحاليل واعطوني موعد للعملية بعد يوم وهون المصيبة الي صارت معي انو يا جماعة
اولا :اعطوني غرفة نظيفة كثير ومرتبة
ثانيا :كل اهلي كانو بجنبي بالمشفى بالاضافة لاصحابي
ثالثا :معاملة ما شفت احلى وارقى من هيك
دخلت غرفت العمليات الساعة التاسعة صباحا ولما طلعت من العملية كان وضعي احسن ما كنت عليه قبل العملية رغم التخدير والام الي برافقه والساعة السادسة مساءا كنت بالبيت وثاني يوم كنت بعرس لشب صاحبي
بتمنى لما تزورا مشفى صلخد تشوفو بعض مظاهر الانحلا ل الي عنا هذا مشفى مو ملقى عشاق ومو مكان للسكر والتدخين قبل ما نحارب الاطباء والممرضات والناس الي سهرت ليالي بالفقر لتتعلم وتكون نفسها خلينا نلوم بعض الشباب الي محولين المشفى لمقصف وانا شفت الشي بعيني
خلينا نحمد الله على هالنعمة الكبيرة وكثر خير كل طبيب وممرضة وعامل او عاملة تنظيفات عميسهرو لراحة هالناس
وانا بشكر كل شخص ساعدني بالمشفى وبالذات البرفسور نديم الحجار الي هو عملي العملية
وبتمنى منتدى صلخد يكون مبني على نقد بناء مو بالعكس
ودمتم سالمين من اي شر او مرض

كلامكم عن الحوادث يلي بتصير في المشافي صحيحه وفي شغلات كثير بعد عم تصير مافي داعي لذكرها

والله انا صرت إهكل هم اذا امرضت كيف بدي روح على المشفى

ونحنا ما منقول غير الله يجيرنا من الاعظم

وسلامة الجميع

شكرا لكاتب الموضوع انا معك في بعض الامور ولكن ليس الكل نحنا مش قضاة ولا شرطة لنحاسب بس الاشارة كويسة ()()()() ملاحظة الاحوال المدنية ** النفوس ** شي فوق الوصف صدقوني كوني مسافر الى دول الخليج اخجل من كونها مسؤلة عن اوراق عائدة لي بعد المقارنة بما نشاهده في الخارج %%%%%%%%% في شي بضحك أنوا احدى الصبايا المحترمة قامت بتغير اخراج القيد لاحد الاشخاص بسب سقوط بعض نقاط من كاسة المتي ----- والمتي مع شو ----- مع غناية اعطني الناي وغني------ الساعة الحادية عشر والنصف وياحرام بتعرف لوبة الطوابع وروح بتكسي وتاع بتكسي والعذر حقك علينا بعين بجحة """"""""""""" بالطبع الكل مش مثل بعض النتيجة براي الأغلبية هوي انو الاساس ( التربية المنزلية )

شكرا للجميع على الاهتمام بالموضوع الخطير

وانا ما بعرف ليش بفكروني اني مطيع بس معلش بما انو خي

المهم سيد بير اهلا وسهلا فيك تفضل على السريع عرفنا بحالك لنشوف شو قصة المتي مع انو مابعرف شو جاب النفوس على المشافي المسؤلة عن أرواح الناس

بس على كل حال بعد مايوضحلي السيد بير قصة المتي والنفوس رح نتناقش هون وعلى الملأ طبعا سيد الكريم ماتمنى تحكي كلمة وتهرب تشرفت بمشاركتك وبتمنى تشرفني بردك

صاحب الموقع

صاحب الموقع المحترم

اتمنى منك ان تقرا الي كتبته مرة ثاني الي كتبتو انا والي كتبتو انت

هذا اولا 0000 وثانيا انت كاتب عرفنا بحالك 00000000وكاتب تهرب

اتمنى منك قبل الرد ماتنفعل وتزور المنتدى لاني كاتب اسمي بالكامل

وموضوع الهرب صدقني نفس الجواب

علما اني ذكرت الكل مش مثل بعض و علما اني متأكد انك تدافع عن الجيدين فقط

موضوع المناقشة على الملئ رح خلي الامر الك اذا صح هيك
اتمنى منك مرة اخرى قراءة ماكتبت

احلى تحية لك سيد بير

وانا مو منفعل والله بس فاجئني ربطك النفوس بالمشفى

وانا سيدي الكريم الي بيهمني اعرف مين الصبية المحترمة الي كبت كاسة متي على اخراج القيد

حتى لو برسالة خاصة طبعا ان تكرمت

وهي القصة صارت بالفعل او هو مجر مثال

مع حبي الك وشكري وتحياتي

اشكرك لهدوئك الجميل

واني متاكد انو ردك هذا بيدل انك قريت الي كتبتو مرة اخرى

وباكدلك انو انت بتعرف بوجود اشياء لازم ينعاد التفكير فيها

ولو بنا نذكر اسماء ما منخلص من هالموضوع

وموضوع الرسالة الخاصة ارجو انك ما تستخف بذكائي لانو هيك عبتجرحني

يوجد الكثير من الملاحظات في كل مكان وحتى في حياتنا العادية ممكن مانقدر نحلها بس على الاقل ندرك انها موجودة

وكوني ابن البلد وبهمني كل مكان فيها
وصدقني كلامي هذا من غيرتي لنكون نحنا كلنا احسن بين كل البلدان

وفي اي مكان بالبلد ممكن تتوظف اختي او زوجتي او اي انسان قريب عليي او حتى انا

فكلامي ما في اذى لاحد وخصو صا الك لانو بعرف اخلاصك لعملك
شي بحب ضيفو افراد من عائلتي موظفين بالمشفى هل هذا يعني انو لازم اقول ما في اخطاء

اذا كان الهدف المصلحة للناس ليش ما منشير عليه

اطلت عليك الانتظار شكرا لترحيبك فيي مرة ثاني

على عيني انت اخ بير

انا اسف ان احرجتك او جرحتك

وطبعا ما في حاجي ذكرك انك ببيتك فما بدك ترحيب

بس شوف ياسيدي الكريم

المفاجئة ألي أنت مابتعرفها مع أني للوهله الاولى فكرتك بتعرفها وفكرت أنو كلامك موجه ألي

هي أنو أنا موظف بنفوس صلخد
وحقيقة أنا اليوم سالت الصبايا عنا بالنفوس عن هذه الحادثة التي تفضلت بها ولكن كلهم أجمعوا أنو ولا وحدي منهم صارت معها هيك حادثي

وبتعرف ليش عم أسألك لانو حابب اعرف مين هي مشان واجهها وقلا انت الي عملت هيك بالمراجع

وطبعا هذا بيكون رادع الها ولغيرها لما بتكون الامور على عينك ياتاجر وبالتالي هذا لمصلحة بلدنا ودوائرنا الحكومية وسمعتنا في الداخل والخارج

في النهاية انا ما بحرجك انا طلبت وانت اعتذرت تقلي مين هي بالعكس على راحتك وبالعكس اي شي بدك اياه من النفوس بس قلي وتكرم عينك الغالي

في النهاية تحياتي الحارة الك وقول معي يابير

الله يحميك يا سوريا

وعمار يا صلخد عمار

مع حبي

اخي الكريم بعد التحية لك ولكل الشرفاء

موضوع انو موجه الك فبأكدلك انو لا

لانو لو الك لكنت كتبتلك على الخاص000هذا اولا 0000 وثانيا

انت صدقني ما بتعملها لانك معروف بنخوتك للناس 00000 وباخلاقك الطيبة

مش عمجاملك 00000 ولانك هيك اني ما جادلتك لما كتبت هروب وغيرو00000

وصدقيني بمجرد توجيهك الكلام بالدائرة والسؤال فهوي اخلاص منك لعملك

ورح يكون تنبيه قوي لكل العاملين بكل الدوائر الحكومية والخاصة مش بس عندك

وبنقاشنا هذا والافعال الي صارت زاد اعجابي بالمنتدى وهذا هدف النبيل الي بيتمناه الكل

وأتمنى منك عدم ذكر الاعتذار لاننا اخوة

اتمنى لك التوفيق والسعادة واحسنت صنعا

عدد الرسائل : 2 العمر : 29 تاريخ التسجيل : 11/08/2009

والله هذا الي عمبيصير ولازم على كل مواطن عندو ضمير انو يشتكي للدولة في دمشق نفس ما قالت خلود حمزة
الله أكبر Neutral

عدد الرسائل : 2 العمر : 29 تاريخ التسجيل : 11/08/2009

الله أكبرعلى
1- الضمير الميت الذي لا يصحو إلا بعد فوات الأوان هذا وإن صحا
2-كل طبيب ما عندو ضمير لأن الإنسان فقط عنده ضمير
أمين
والمشكلات لا تحل بالكلام بل بالفعل !!!!! مجازر مشفى صلخد 959449

» زيارتي الى صلخد وقلعتها التاريخية
» جهاز «الطبقي» بالخدمة في مشفى السويداء .. والرنين وتفتيت الح
» طرق صلخد زفت بلا زفت!!